KO WAI MATOU

Ko Ngā Aho Whakaari te rōpū mŌ te motu katoa e tautoko ana i te Māori i roto i te mahi kiriata, ripene whakaata, pouaka whakaata hoki, i Aotearoa nei. Ko ngā mema, he kaiwhakaari, he ringatohu, he pakihi mana motuhake, he kaikawe kōrero, he kaihautū, he kairaweke taputapu, he kaituhi, he tauira, he kaiako hoki.

Ko te whakamāoritanga o te ingoa Ngā Aho Whakaari nei, he maha ngā aho, arā, ngā tirohanga, e whakatinana ana i te whānuitanga o ngā hunga Māori kei tēnei mahi, te whānuitanga hoki o ā rātou whakaaturanga, me te huihuitanga o ngā tūmanako katoa mō tō tātou iwi Māori.

Ko tā mātou tikanga ārahi i a mātou, he whakataukī – ‘E kore te Totara e tū noa i te Pārae, engari me tū i te wao’. He whakataukī e akiaki ana i ngā mema katoa me ngā kaitautoko o Ngā Aho Whakaari ki te mahi tahi hei painga mo te iwi Māori, te reo Māori, ngā tikanga Māori, me te mana Māori.