Tearepa Kahi
Ngati Paoa / Waikato
Ringatohu, Kaituhi
|
Kei te whare tapere Māori ngā pakiaka o Tearepa, otiia, kua kapi katoa i a ia ngā whiri matua e toru ō te ao pāpāho, te reo irirangi, te pouaka whakaata, me te kiriata. E whitu tau ia e mahi ana i te takiwā tū motuhake ō taua ao, he ringtohu, he kaituhi, puta noa i ngā tini āhua whakaaturanga katoa. Ināianei, ko ia te kaihautū i tāna ake kampene ‘iti’ nei, a Arepa Creations, he kaihautū kaupapa, he ringatohu, me te uru atu hoki ki ngā kaupapa whakatairanga i a Whakaata Māori. Ahakoa tana tamariki, ko ana whakaaro kei te whakaari mai i te ao ō te taiohi Māori, kei te awhina hoki i te whakairotanga ō taua ao.
I te tau 2004, ko ia tētahi o ngā kaituhi tokotoru i whiwhi pūtea tautoko i ā rātou tuhinga kiriata i raro i te kaupapa ō te ‘NZ Film Commission’s 1st Writers Initiative’, mō tana kiriata ‘A Gift to Zion.’ I te tau 2006, ka whakaaturia tana kiriata poto tuatahi, The Speaker, ki ētahi whakaaturanga kiriata whai mana tonu ō te ao whānui. I Berlin, i Melbourne, I Vladivostok hoki ētahi ō aua whakaaturanga.
|
